Şöbə müdiri: “Narkotikə dostlarının təkidi ilə aludə olurlar”

15:30 22-02-2021 31

“Respublika Narkoloji Mərkəzinə müraciət edən şəxslər əsasən 25-45 yaş aralığında olur”.

milletinsesi.info-ın məlumatına görə, bunu Respublika Narkoloji Mərkəzinin şöbə müdiri Zamin Əliyev bildirib.

Onun sözlərinə görə, bu xəstələr çox az hallarda ilkin mərhələdə sağalmaq üçün müraciət edirlər:

“Əsasən asılılığın son mərhələsində xəstəxanaya gəlirlər. Əvvəllər narkotik istifadəçiləri həkim narkoloqa müraciət edərkən ətraf mühitin basqısından qorxurdu, amma bu gün buna xəstəlik kimi baxırlar. Artıq xəstələr müalicə olunmaq üçün rahat şəkildə müraciət edirlər. Hər bir yaşda xəstəyə rast gəlmək mümkündür. Adətən bu xəstələr bilmədən, dostlarının təkidi ilə narkotikə aludə olurlar”, - deyə o əlavə edib.

İlhamə Əbülfət