Şəxsi avtomobili ilə qonaq gedən koronavirus xəstəsi SAXLANILDI - FOTO/VİDEO

11:10 23-10-2021 15

Balakən Rayon Polis Şöbəsinin əməkdaşları tərəfindən aktiv koronavirus xəstəsi ictimai yerdə aşkarlanıb.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, rayon sakini Sevil Qayxanovanın COVID-19 testinin nəticəsi pozitiv olduğu üçün ona ev şəraitində müalicə təyin edilib, sanitar-karantin qaydaları izah olunub.

Lakin o, qaydaları pozaraq, yaşadığı ünvanı tərk edib və infeksiyanın yayılmasına şərait yaradıb.

Belə ki, həmin şəxs idarə etdiyi “Opel” markalı avtomobillə qohumlarına qonaq gedərkən polis əməkdaşları tərəfindən saxlanılıb və tibbi prosedurlar gözlənilməklə evinə geri qaytarılıb.

S.Qayxanova barəsində Balakən Rayon Polis Şöbəsində cinayət işi başlanılıb.