İsrail və Yunanıstan arasında hərbi əməkdaşlıq sazişi imzalanıb

16:55 18-04-2021 13

İsrail və Yunanıstan arasında ikitərəfli münasibətlər tarixində ən böyük hərbi əməkdaşlıq sazişi imzalanıb.

TASS xəbər verir ki, müqavilənin dəyəri 1.65 milyard dollardır. Sazişə əsasən, İsrail tərəfi Yunanıstan HHQ üçün uçuş təlim-məşq kompleksi inşa edəcək. Beynəlxalq mərkəzin inşası və istismarı 22 il ərzində həyata keçiriləcək.

İsrailin müdafiə naziri Beni Hansın sözlərin görə, razılaşma iki ölkə arasındakı əməkdaşlıq və tərəfdaşlıq münasibətlərini möhkəmlədəcək, siyasi və iqtisadi əlaqələri yeni səviyyəyə qaldırmağa imkan verəcək.