Azərbaycanda süni intellektlə bağlı proqram qəbul edilib, lakin burada uşaqların hüquqların qorunması ilə bağlı maddə yoxdur.
Report” xəbər verir ki, bunu Ailə, Qadın və Uşaq Problemləri üzrə Dövlət Komitəsinin təşkil etdiyi “Uşaqların zərərli informasiyadan qorunması” mövzusunda keçirilən brifinq zamanı komitənin nümayəndəsi Elgün Səfərov deyib.
O bildirib ki, zərərli informasiyadan zərərçəkən hər 5 uşaqdan biri risk altındadır:
“Süni intellekt, innovasiyalar inkişafla yanaşı mənfi tendensiyaları da özü ilə gətirir. Televiziya kanallarında verlişlər hazırlanan zaman yaş kateqoriyası nəzərə alınmalıdır. Bəzi hallarda uşaqları sosial şəbəklərdə məhşurlaşdırıb pul qazanırlar. Uşaq nigahları ilə bağlı paylaşılan məlumatlarda da onların hüquqları pozulub. Dövlət komitəsi bu sahədə digər qurumlarla kordinasiyalı işlər aparır. Bildiyiniz kimi Azərbaycanda uşaq bankı fəaliyyətə başalyıb. Həmçinin Dövlət komitəsi regionlarda maarifləndirmə tədbirləri də həyata keçirir. Bu tədbirlər məktəblərdə, sosial şəbəklərdə həyata keçirilir. Ölkədə kiber bullinq halların qeydə alınması və digər hallarda uşaqların hüquqlarının pozulması müəyyən edilib. Süni intellektlə bağlı proqram qəbul edilib, lakin burada uşaqların hüquqların qorunması ilə bağlı maddə yoxdur. Komitə olaraq biz bu məsələ üzərində işləyirik. Buna görə də Uşaq Hüquqları ilə bağlı Milli Fəaliyyət Planının layihəsi hazırlanıb”.
Ən son xəbərləri bizim Telegram kanalımızda izləyin
