Sumqayıtda hərbi sursat tapılıb.
Bu barədə Fövqəladə Hallar Nazirliyi (FHN) Mətbuat Xidməti məlumat verilib.
Bildirilib ki, FHN-in “112” qaynar telefon xəttinə Sumqayıt şəhəri, Hacı Zeynalabdin qəsəbəsi ərazisində hərbi sursat aşkar edilməsi barədə məlumat daxil olub.
Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların 1 ədəd 85 mm-lik “OF-365” və 1 ədəd 76 mm-lik “OF-350” top mərmisinin gövdəsi olduğu müəyyən edilib.
Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
![](https://resmixeber.az/wp-content/uploads/2023/06/sumqayitda-hc999rbi-sursat-tapildi-foto-video-2.jpg)
![](https://resmixeber.az/wp-content/uploads/2023/06/sumqayitda-hc999rbi-sursat-tapildi-foto-video-3.jpg)
![](https://resmixeber.az/wp-content/uploads/2023/06/sumqayitda-hc999rbi-sursat-tapildi-foto-video-4.jpg)
www.RESMIXEBER.az