Nazir: “Hədəf ali məktəblərə qəbul olanların sayını artırmaqdır”

Cəmiyyət


“Təhsildə qısa müddət anlayışı başqa sistemlərlə müqayisədə bəlkə də bir qədər uzundur”.

resmixeber.az xəbər verir ki, bunu elm və təhsil naziri Emin Əmrullayev “V İqtisadiyyat və İdarəetmə Sahəsində Tədqiqatçıların Beynəlxalq Elmi Konfansı”nda çıxışı zamanı deyib.

O bildirib ki, buradakı nəticələri bəlkə də 10 il sonra görürük:

“10 il bundan əvvəl keçmiş təhsil nazirinin işi sessiya dövründə rektorların fəaliyyətinə nəzarət, şəffaflığın təmin edilməsi, bəzi ixtisaslara 100 nəfərin qəbul olub, 300 nəfərin bitirməsi kimi qeyri-qanuni hallarla mübarizə aparmaq idisə, indi belə deyil. İndi bu prosesə birbaşa nəzarət etmək ehtiyacı görmürük. Çünki ali təhsil müəssisələrimizə inanırıq. Biz sadəcə şəffaflıqla qürur duya bilmərik. Elm müəssisəsi həm də tədqiqat aparan, kadr hazırlayan bir müəssisədir”.

Nazir deyib ki, qarşıdakı hədəf ali təhsil müəssisələrinə qəbul olanların sayını artırmaq və keyfiyyət baxımından çıxış qapılarını bir qədər daraltmaqdır:

“Bu səbəbdən ali təhsil müəssisələrinin akkreditasiyası həyata keçirilir.

Hazırda ali təhsil müəssisələrimizin inkişafa ehtiyacı olan hissəsi professor-müəllim heyətinin formalaşdırılmasıdır. Universitet müəllimi kim olmalıdır? Hesab edirəm ki, bu şəxs bütün həyatını bir-iki sualın cavabını tapmağa həsr edən adam olmamalıdır”.

www.RESMIXEBER.az

Spread the love

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir