AZƏRTAC İnformasiya Agentliyi işçi axtarır

Cəmiyyət


AZƏRTAC İnformasiya Agentliyi tərcüməçi və Türkiyə (Ankara), Almaniya (Berlin), ABŞ (Vaşinqton), Böyük Britaniya (London), Qazaxıstan (Astana), Latviya (Riqa) və Özbəkistan (Daşkənd) üzrə müxbir vəzifələrinə vakansiya elan edib.

İşə qəbul üçün tələbləri təqdim edirik:

Tərcüməçi işi barədə məlumat:

– Azərbaycan dilindən rus dilinə xəbərlərin yazılı tərcümə edilməsi;
– Tərcümənin rus dilində yüksək səviyyədə yerinə yetirilməsi;
– Redaktorun tapşırıqlarının operativ həyata keçirilməsi;
– İş vaxtı növbəlidir.

Namizədə tələblər

– Ali təhsilli olmalı;
– Azərbaycan və rus dillərini mükəmməl bilməli;
– Tərcüməçi kimi beş il iş təcrübəsi olmalı;
– Xəbər mətnlərinin üslubunu bilməli;
– Kompüterdə mətni sürətli yığa bilmək bacağına malik olmalı;
– Komandada işləyə bilməli.

Xarici ölkələrdə müxbir vəzifələri barədə məlumat:

– Agentliyi işlədiyi ölkədə təmsil etmək, Azərbaycanla bağlı tədbirlərin işıqlandırılmasını təmin etmək, yerli xəbərləri operativ şəkildə redaksiyaya göndərmək;

– Keyfiyyətli videosüjetlər, fotoinformasiyalar hazırlamaq;

– İşlədiyi ölkənin rəsmi şəxslərindən, tanınmış ictimai-siyasi, elm və mədəniyyət xadimlərindən müntəzəm surətdə məxsusi müsahibələr almaq;

– Yerli dövlət qurumları və digər müvafiq təşkilatların mətbuat konfransları və brifinqlərində iştirak etmək, xəbərlər hazırlamaq;

– Yerli qurumların mətbuat xidmətləri ilə əlaqələr qurmaq;

– Müvafiq redaksiyadan əlavə tapşırıqları vaxtında yerinə yetirmək;

Tələblər:

– Ali təhsil və uyğun peşə hazırlığına malik olmalı;

– 25-55 yaş arası olmalı;

– KİV-də müxbir vəzifəsində ən azı üç il (informasiya agentliyi, onlayn media, TV) iş stajına malik olmalı;

– İngilis və ya rus dilində sərbəst danışmağı və yazmağı bacarmalı (coğrafi yerləşməyə uyğun);

– Məntəqənin yerləşdiyi ölkənin dilini bilmək üstünlükdür;

– Stresli vəziyyətlərə davamlı olmalı;

– Azərbaycan dilinin qrammatik, leksik və üslub normalarını mükəmməl bilməli;

– xəbər, reportaj, müsahibə və digər müvafiq informasiya janrlarında yazmağı bacarmalı;

– müasir İKT vasitələrindən, habelə müvafiq proqram təminatlarından istifadə etməyi bacarmalı;

– xəbər mənbələri, həmçinin foto və videoinformasiya ilə işləmək bacarığı olmalı;

– foto və videoçəkiliş üçün rəqəmsal kameralardan istifadə vərdişlərinə malik olmalı;

– müxbir fəaliyyətinin etik qaydalarını bilməli və onlara riayət etməlidir.

Namizədlərdən özləri haqqında məlumatı və müəllifi olduqları materiallardan nümunələri 2023-cü il iyunun 20-dək [email protected] ünvanına göndərmələri xahiş olunur. Məktubun “mövzu” bölməsində vakansiya elan edilən ölkənin adını yazmaq xahiş olunur.

Tələblərə cavab verən namizədlər müsabiqəyə buraxılacaqlar.

www.RESMIXEBER.az

Spread the love

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir