Bayram günləri ilə əlaqədar qeyri-iş günlərində zəhərlənmə şübhəsi ilə KTM-ə 121 müraciət daxil olub.
Bu barədə Kliniki Tibbi Mərkəz (KTM) məlumat yayıb.
Qeyri-iş günlərində (20-26 mart) TƏBİB-in tabeliyindəki Kliniki Tibbi Mərkəzin Toksikologiya şöbəsinə zəhərlənmə şübhəsi ilə 121 nəfər müraciət edib.
Müraciət edən şəxslərdən 88-nə ilkin tibbi yardım göstərildikdən sonra evə buraxılıb. 33 nəfər isə şöbəyə yerləşdirilib, onlara zəruri tibbi xidmətlərin göstərilməsinə başlanılıb.
Xəstəxanaya yerləşdirilən 33 nəfərdən 23-ü qadın, 10-u kişi olub. Onlardan 5-i dəm qazından, 15-i dərmandan, səkkizi sirkə turşusundan, üçü botulizm, ikisi isə allergiya səbəbindən zəhərlənib. Həkimlərin səylərinə baxmayaraq, iki qadının (sirkə turşusu zəhərlənməsi səbəbilə) həyatını xilas etmək mümkün olmayıb.
www.RESMIXEBER.az
