ÇL: “Real” və “Napoli” qələbə ilə 1/4 finalda – VİDEO

Dünya


UEFA Çempionlar Liqasında 1/8 final mərhələsinə yekun vurulub.

resmixeber.az xəbər verir ki, son oyun günündə keçiriləcək iki qarşılaşma ilə 1/4 finalın bütün iştirakçıları bəlli olacaqlar.

İspaniyada “Real” İngiltərənin “Liverpul” klubunu qəbul edib. Komandalar arasındakı ilk matçda 2:5 hesablı qələbə qazanan madridlilər bu dəfə minimal hesabla üstün olub – 1:0. Yeganə qolu 79-cu dəqiqədə Kərim Benzema vurub. İki oyunun cəmində 6:2 üstün olan madridlilər 1/4 finala adlayıb.

Gecənin digər matçı İtaliyada keçirilib. “Napoli” öz meydanında “Ayntraxt”ı (Frankfurt) sınağa çəkib. İlk oyunda iki cavabsız qolla üstün olan italyanlar bu dəfə 3:0 hesabı ilə qalib gəlib. Viktor Osimhenin dubl etdiyi qarşılaşmada son nöqtəni penaltidən Pyotr Zielinski qoyub. İki oyunun cəmində 5:0 üstün olan Neapol təmsilçisi 1/4 finalda oynamaq hüququ qazanıb.

Daha əvvəl Almaniyanın “Bavariya”, Portuqaliyanın “Benfika”, İngiltərənin “Çelsi” və “Mançester Siti”, İtaliyanın “Milan” və “İnter” klubları 1/4 finala vəsiqə qazanıblar.

www.RESMIXEBER.az

Spread the love

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir