Bakı. Trend:
“Bavariya”nın və İngiltərə millisinin hücumçusu Harri Keyn
təqvim ilində vurulan qollar üzrə yeni şəxsi rekord
müəyyənləşdirib.
Trend xəbər verir ki, Keyn
Almaniya Bundesliqasının 13-cü turunda “Ştutqart” üzərində 5:0
hesablı qələbə qazandıqları oyunda üç qol vurub.
2025-ci ildə 32 yaşlı futbolçu həm klub, həm də milli komanda
üçün 58 qol vurub ki, bu da 2017-ci ildəki 56 qol rekordunu
üstələyib.
2025/2026 mövsümündə hücumçu “Bavariya”nın heyətində bütün
yarışlarda 22 oyun keçirib, 28 qol vurub və üç məhsuldar ötürmə
edib.
