“Şamaxı”nın baş məşqçisi Ayxan Abbasov cəzalandırılıb.
“Report” xəbər verir ki, bu barədə AFFA İntizam Komitəsinin iclasında qərar qəbul olunub.
30.11.2025-ci il tarixində Misli Premyer Liqasında XIII turun “Şamaxı” – “Sumqayıt” oyununun 88-ci dəqiqəsində “Şamaxı” komandasının baş məşqçisi Ayxan Abbasov rəqib komandanın texniki zonasına aqressiv şəkildə daxil olduğuna görə birbaşa qırmızı vərəqə aldığı üçün 1 oyun oyuna buraxılmasın, “Şamaxı” komandası 2000 manat cərimə edilsin (maddə 47.2);
30.11.2025-ci il tarixində Misli Premyer Liqasında XIII turun “Şamaxı” – “Sumqayıt” oyununda “Sumqayıt” komandasında 5 nəfər sarı vərəqə aldığı üçün “Sumqayıt” komandası 700 manat cərimə edilsin (maddə 43.1);
30.11.2025-ci il tarixində Misli Premyer Liqasında XIII turun “Şamaxı” – “Sumqayıt” oyununun 88-ci dəqiqəsində “Sumqayıt” komandasının baş məşqçisi Saşa İliç rəqib komandanın texniki zonasına qeyri etik ifadə və ya hərəkətə görə birbaşa qırmızı vərəqə ilə cəzalandığı üçün 4 oyun oyuna buraxılmasın, “Sumqayıt” komandası 10000 manat cərimə edilsin (maddə 52.4);
29.11.2025-ci il tarixində Misli Premyer Liqasında XIII turun “İmişli” – “Sabah” oyununda “İmişli” komandasının azarkeşləri tərəfindən pirotexniki vasitədən istifadə edildiyinə görə “İmişli” komandası 3000 manat cərimə edilsin (maddə 86.3);
30.11.2025-ci il tarixində Misli Premyer Liqasında XIII turun “Qəbələ” – “Araz-Naxçıvan” oyununun 90+4-cü dəqiqəsində “Qəbələ” komandasının 28 nömrəli futbolçusu Murad Musayev ikici sarıdan qırmızı vərəqə aldığı üçün 1 oyun oyuna buraxılmasın, “Qəbələ” komandası 500 manat cərimə edilsin (maddə 17.5, 17.7);
Ən son xəbərləri bizim Telegram kanalımızda izləyin
