Rusiyada 5,6 maqnitudalı zəlzələ olub

Kamçatka sahillərində 5,6 maqnitudalı zəlzələ qeydə alınıb.

“Report” Rusiya KİV-inə istinadən xəbər verir ki, bu barədə Rusiya Elmlər Akademiyasının Vahid Geofiziki Xidmətinin Kamçatka filialının məlumatında bildirilib.

Yeraltı təkanlar Moskva vaxtı ilə saat 06:55-də qeydə alınıb. Zəlzələnin episentri 42,5 km dərinlikdə, Petropavlovsk-Kamçatski şəhərindən təxminən 397 km məsafədə yerləşib.

İlkin məlumatlara görə, dağıntı və yaralanan yoxdur.