Şimali Kipr Türk Cümhuriyyətinin Prezidenti Ersin Tatar Azərbaycana səfər edəcək.
Bu barədə “Report”un sorğusuna cavab olaraq bu ölkənin Azərbaycandakı nümayəndəsi Ufuk Turqaner məlumat verib.
O bildirib ki, ŞKTC Prezidenti 6-7 oktyabr tarixlərində Azərbaycanda səfərdə olacaq.
Səfər çərçivəsində Ersin Tatar Türk Dövlətləri Təşkilatının (TDT) Dövlət Başçıları Şurasının Qəbələdə keçiriləcək 12-ci Zirvə görüşündə iştirak edəcək.
Xatırladaq ki, 2022-ci ildən etibarən Şimali Kipr Türk Cümhuriyyəti TDT-nin müşahidəçi üzvüdür.
Ən son xəbərləri bizim “WhatsApp” kanalımızda izləyin
