İyul ayında Kliniki Tibbi Mərkəzə zəhərlənmə ilə bağlı 658 nəfər müraciət edib.
Mərkəzin Mətbuat Xidmətindən verilən məlumata görə, onlardan 139-u Toksikologiya Şöbəsinə qəbul edilib, digərlərinə isə ilkin tibbi yardım göstərilərək evə buraxılıblar.
Qəbul olunan xəstələrdən 75-i dərmandan, 26-sı sirkə turşusundan, 10-u etanoldan, biri dəm qazından zəhərlənib. Digərlərindən altısı allergik reaksiyadan, biri isə botulizm səbəbindən xəstəxanaya yerləşdirilib. Həmçinin, onlardan 17-ni ilan, üçünü isə həşərat sancıb.
Həkimlərin səylərinə baxmayaraq, zəhərlənən şəxslərdən altısı dünyasını dəyişib. Onlardan beşi kişi, biri qadın olub. Ölüm halının üçü sirkə turşusundan, üçü isə dərman zəhərlənməsindən baş verib.
www.RESMIXEBER.az
