Naxçıvan Muxtar Republikası, Babək rayonu Uzunoba gölündə batan şəxsləri xilas etməyə çalışan polis əməkdaşı boğularaq həyatını itirib.
Bu barədə resmixeber.az-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, bu gün xidmətdən kənar vaxt ailəsi ilə həmin gölün kənarında istirahət edən 1982-ci il təvəllüdlü polis serjantı Quliyev Vüsal Əbülfəz oğlu suya atılaraq göldə boğulma təhlükəsi ilə üzləşən 13 yaşlı uşağı xilas edib.
Daha sonra uşağın anası, 1984-cü il təvəllüdlü Səadət Elman qızı Aslanlını xilas etmək istəyərkən polis əməkdaşı da onunla bərabər suda boğularaq ölüb.
22:52
Naxçıvan Muxtar Respublikasının (NMR) Babək rayonu ərazisindəki Uzunoba gölündə iki nəfər boğulub.
“resmixeber.az” xəbər verir ki, batan şəxslər 1984-cü il təvəllüdlü Səadət Salman qızı Aslanlı, 1982-ci il təvəllüdlü Vüsal Əbülfəz oğlu Quliyevdir.
Onların meyiti Fövqəladə Hallar Nazirliyinin (FHN) xilasediciləri tərəfindən çıxarılıb.
2010-cu il təvəllüdlü Murad Mahir oğlu Mehdiyev isə xilas olunaraq xəstəxanaya yerləşdirilib.
www.RESMIXEBER.az
