PARADOKS

AKTUAL

Bakıdan Şirvana oğurluğa gələn şəxs saxlanıldı

30-12-2017, 05:24
  •     
  • Kriminal |
  •  Oxunma: 86

Bakıdan Şirvana oğurluğa gələn şəxs saxlanıldı Bakıdan Şirvana oğurluğa gələn Naxçıvan sakini saxlanılıb.
Daxili İşlər Nazirliyinin mətbuat xidmətindən verilən məlumata görə, dünən gecə saatlarında Şirvan ŞPŞ-nin Narkomaniya ilə Mübarizə Qrupunun əməkdaşları tərəfindən bir nəfər şübhəli şəxs qismində saxlanılaraq şöbəyə gətirilib.
Araşdırma zamanı həmin şəxsin Naxçıvan MR-sı Şərur rayonu Yuxarı Yayçı kənd sakini, əvvəllər Cinayət Məcəlləsinin müxtəlif maddələri ilə 15 il azadlıqdan məhrum edilmiş, 50 yaşlı Arif Ağayev olduğu müəyyən edilib. Saxlanılan zaman həmin şəxsin əlindəki göy torbadan kapron corabdan hazırlanmış masqa, 2 ədəd rezin əlcək, bir ədəd kəlbətin, bir ədəd əl fənəri, bir ədəd bıçaq, elektroşok, üzərinə baxış zamanı isə bir ədəd kibrit qutusunda ümumi çəkisi 7,40 qram narkotik vasitə olan qurudulmuş marixuana aşkar olunaraq götürülüb.
Dindirilmə zamanı həmin şəxs dünən gecə saatlarında Bakı şəhərindən Şirvana oğurluq məqsədi ilə gəldiyini etiraf edib.
Bu şəxsi tanıyanlardan və ya əməllərindən zərər çəkənlər varsa, onların yerli hüquq-mühafizə orqanlarına müraciət etmələri xahiş olunur.
Faktla bağlı Şirvan ŞPŞ-nin İstintaq bölməsində araşdırma aparılır.


SOSYAL MEDYADA BİZİ İZLƏYİN

YUXARI