ABŞ-da COVID-19 əleyhinə peyvənd oktyabrdan əhaliyə paylanacaq

17:00 17-09-2020 8

ABŞ administrasiyası əhaliyə koronavirusa qarşı peyvəndi oktyabr ayında və ya bir qədər gecikmə ilə paylamağı nəzərdə tutur.

Bu barədə məlumatı Amerika Birləşmiş Ştatlar Prezidenti Donald Tramp Ağ Evdə keçirdiyi mətbuat konfransında deyib.

“Hər şey hazırdır, hərbçilərimiz hazırlıqlarını görüblər, düşünürük ki, işlərimiz yaxşı gedəcək. Oktyabr ayından, ola bilsin bir az gecikmə ilə peyvəndin bölüşdürülməsinə başlaya bilərik”, - deyə Tramp bildirib.

ABŞ prezidentinin yeni müşaviri Scott Atlas isə COVID-19 əleyhinə peyvəndin pulsuz olacağını elan edib.