Suareslə “Barselona” arasındakı fikir ayrılığının əsas səbəbi məlum oldu

10:00 15-09-2020 9

“Barselona” klubunun hücumçusu Luis Suares mövsümün sonuna kimi komandada qala bilər.

Bu barədə ESPN portalı məlumat yayıb.

Məlumata görə, uruqvaylı futbolçu son mövsüm də daxil olmaqla, hətta əgər başqa kluba gedərsə belə müqavilədə qeyd olunan bütün məbləğin ödənilməsini təkid edir.

“Barselona” rəhbərliyi isə hücumçuya pul ödəmək niyyətində deyil, yalnız simvolik məbləğ ödəməklə L.Suaresin “Yuventus”a keçməyinə razıdır.

Qeyd olunur ki, Kataloniya klubu müqavilənin şərtlərinə əsasən, L.Suaresi 2021-ci ilin yay ayına qədər heyətdə saxlaya bilər və mövsümün sonuna kimi meydana buraxmamaq hüququna sahibdir.