Gəncə sakini həmyerlisini bıçaqladı

11:40 30-06-2020 10

Gəncə şəhərində bıçaqlanma hadisəsi olub.

Trend-in məlumatına görə, şəhərin Nizami küçəsində Gəncə şəhər sakini Yaqub Hacıyev mübahisə zəminində həmyerlisi Vüqar Həsənov tərəfindən küçədə bıçaqlanıb.

Yaralı xəstəxanaya çatdırılaraq əməliyyat olunub.

Faktla bağlı Gəncə Şəhər Baş Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb.

Hazırda hadisəni törətməkdə şübhəli bilinən V.Həsənovun tutularaq istintaqa təhvil verilməsi istiqamətində axtarışlar davam etdirilir.