PARADOKS

AKTUAL

Kamran Ağayev: “Futbolu bilən yeganə insan Qurbanov idi, o da getdi”

10-12-2018, 12:28
  •     
  • İdman |
  •  Oxunma: 605

Kamran Ağayev: “Futbolu bilən yeganə insan Qurbanov idi, o da getdi” “Nə barədə danışım? Qurban Qurbanovun istefa verməyindən? Siz elə bilirsiniz ki, Qurban Qurbanovun istefa verməyinə sevinirəm?”
Bu sözləri milli komandamızın və “Keşlə”nin qapıçısı Kamran Ağayev deyib. 32 yaşlı qolkiper milli komandamızın baş məşqçisi Qurban Qurbanovun postundan getməsinə münasibət bildirib:

“Çoxları elə bilir ki, mənim Qurban Qurbanovla aramda problem var. Amma bu, belə deyil. Onunla münasibətim indi də yaxşıdır, necə ki, siz qələm əhliylə də eləyəm. O, futbolda mənə ilk güvənənlərdən olub, kapitanlıq bazubəndini verib. Qurban Qurbanovun sayəsində ikinci dəfə karyeramı bərpa etmişəm. Futbolu bilən yeganə insan Qurbanov idi, o da getdi”.

Qeyd edək ki, Kamran Ağayev yığmamızın Farer adaları ilə oyununda zədə alıb və Kosovo səfərinə öz istəyi ilə yollanmayıb. Təcrübəli qolkiper bu hərəkətinə görə tənqidlərə məruz qalıb. (Qafqazinfo.az)


SOSYAL MEDYADA BİZİ İZLƏYİN

YUXARI