PARADOKS

AKTUAL

Bakı metrosunda problem - nə baş verir?

15-04-2016, 10:45
  •     
  • Dünya, |
  •  Oxunma:

Bakı metrosunda problem - nə baş verir?Axşam saatlarında Bakı Metropoliteninin stansiyalarından birində problem yaranıb. Resmixeber.az Qaynar.infoya istinadən xəbər verir ki, "Gənclik" stansiyasından "Nəriman Nərimanov"a gedən yolda qatar tuneldə qalıb.

Vaqonda olan sərnişinlərdən birinin verdiyi məlumata görə, qatar 5 dəqiqəyə yaxın tuneldə qalıb. Sərnişinlər bunun texniki nasazlıqla bağlı olduğunu, həmçinin yaranan problemin böyük sərnişin sıxlığına səbəb olduğunu qeyd edib.

Baş verən hadisə ilə bağlı Bakı metropoliteninin mətbuat xidmətinin rəhbəri Nəsimi Paşayev açıqlama verib. Onun sözlərinə görə, Nəriman Nərimanov stansitasından elektrik deposuna gedən qatarın olması "Gənclik" - "Nərimanov" stansiyasında bir qədər dayanmaya səbəb olub.

"Orada problemli bir şey olmayıb. Sadəcə qabaqda qatar depoya girib, ona gorə bir az ləngiyiblər. Axşam saatlarında qatarların depoya gedib-gəlmə vaxtıdır. Nərimanov elektrik deposuna qatarlar "Nərimanov" stansiyasından getdiyindən kiçik dayanma olub. Hər şey qaydasındadır. Metro öz qrafiki ilə işinə davam edir", - deyə Nəsimi Paşayev bildirib.

Qaynar.info


SOSYAL MEDYADA BİZİ İZLƏYİN

YUXARI