ABŞ-dakı yanğınların tüstüsü Avropanın şimalına çatdı - VİDEO

10:30 17-09-2020 8

Keçən həftə sonu ABŞ-ın qərb sahilində başlayan meşə yanğınlarının tüstüsü Şimali Avropaya çatıb.

Bu barədə “Kopernik” Avropa Atmosfer Monitorinq Xidmətinin (CAMS) verdiyi məlumatda bildirilir.

Bildirilir ki, ABŞ-da yanğının aktivliyi 2003-2019-cu illərlə müqayisədə on, hətta yüz dəfə çoxalıb.

Bundan əlavə, 2020-ci ildə Kaliforniya və Oreqonda baş verən yanğınlardan çıxan karbon emissiyaları 2003-cü ildən bəri ən yüksək göstəricidir.

Avqust ayında ABŞ-ın qərb sahillərini bürüyən meşə yanğınları ən çox Kaliforniya və Oreqona zərər vurub. Ölkədə 30-dan çox insan yanğınların qurbanı olub, bir neçə nəfər itkin düşüb.