İngiltərənin 3 klubu “Real Madrid”in futbolçusu Arda Gülerin xidmətində maraqlıdır.
Metbuat.az xəbər verir ki, “Arsenal”, “Mançester Yunayted” və “Liverpul” türk ulduzu transfer etmək üçün hərəkətə keçib. Gənc oyunçunun yaradıcılığı, texniki qabiliyyəti və çox yönlülüyü onu İngiltərə klubları üçün cəlbedici futbolçu edib. Məlumata görə, “Arsenal” Arda Güler uğrunda mübarizədə ən aktiv klublardan biri kimi seçilir. London komandası müxtəlif mövqelərdə oynaya bilən gənc və yaradıcı oyunçu axtarır. Ardanın həm mərkəzdə, həm də cinahda oynamaq bacarığı, dar məkanlarda sürətli düşüncəsi və oyunu idarə etmək bacarığı onu məşqçi Mikel Artetanın sistemi üçün ideal namizəd edir.
“Mançester Yunayted” də ikinci zonadan cərimə meydançasına qaçışlar edə, oyun quruculuğuna töhfə verə bilən oyunçu axtarır. Ardanın keyfiyyətləri “Yunayted”in axtardığı futbolçuya uyğun gəlir. Yaradıcı lider oyunçu istəyən “Liverpul” da gənc və taktiki cəhətdən uyğunlaşa bilən oyunçulara diqqət yetirir və Arda bu profil üçün uyğun futbolçu hesab olunur.
