Premyer Liqanın XIV turunda “Sabah” “Neftçi”yə qalib gəlib.
Metbuat.az-ın məlumatına görə, “Bank Respublika Arena”da keçirilən oyunda ev sahibləri 2:0 hesablı qələbəyə seviniblər.
Qolları Akim Zedadka (58) və Coy-Lens Mikels (77) vurublar.
Bu qələbə ilə xallarının sayını 28-ə çatdıran “Sabah” turnir cədvəlində ikinci sıraya yüksəlib. “Neftçi” isə 16 xalla səkkizinci sırada qalıb.
Qeyd edək ki, turun əvvəlki oyunlarında “Şamaxı” “Karvan-Yevlax”ı (3:0) məğlub edib, “Zirə” – “Qarabağ” görüşündə qalib müəyyənləşməyib – 1:1. “Qəbələ” – “Turan Tovuz” oyunu isə güclü duman səbəbindən 24-cü dəqiqədə yarımçıq dayandırılıb və təxirə salınıb.
You must enable Javascript on your browser for the site to work optimally and display sections completely.
