Dekabr ayının bəzi günlərində ölkə ərazisində hava şəraiti arabir yağıntılı keçib.
Bu barədə “Report”a Milli Hidrometeorologiya Xidmətindən məlumat verilib.
Qeyd olunub ki, əsasən şərq rayonlarda leysan xarakterli intensiv olub.
Düşən yağıntının miqdarı Bakıda və Abşeron yarımadasında 29 (aylıq normanın 98%-i), Mərkəzi Aran zonasında 16 (aylıq normanın 82%-i), Lənkəran-Astara zonasında 81 (aylıq normanın 79%-i), Balakən-Şəki zonasında 17 (aylıq normanın 57%-i), Qazax-Gəncə zonasında 4 (aylıq normanın 32%-i), Daşkəsən-Gədəbəy zonasında isə 6 mm (aylıq normanın 20%-i) təşkil edir.
Ölkə ərazisində müşahidə olunan yağıntılı hava şəraitinin dekabrın 11-i səhərədək davam edəcəyi gözlənilir.
Ən son xəbərləri bizim Telegram kanalımızda izləyin
