Böyük Britaniyanın Baş naziri Kir Starmer Çin Xalq Respublikasını ölkənin milli təhlükəsizliyi üçün “real təhdid” adlandırıb.
APA xəbər verir ki, O, bunu Londonun lord-meri tərəfindən hər il təşkil edilən ənənəvi banketdə çıxışı zamanı bildirib.
“Bəli, Çin Böyük Britaniyanın milli təhlükəsizliyi üçün real təhlükə yaradan ölkədir”, – Starmer vurğulayıb.
Eyni zamanda, Britaniya hökumət başçısı London ilə Pekin arasında sabit və davamlı münasibətlərin olmamasını tənqid edib və təhlükələrə baxmayaraq, Çinlə əməkdaşlığın zəruri olduğunu qeyd edib.
