Noyabrın 24-nün Türk Dövlətləri Təşkilatına (TDT) üzv ölkələrin QHT-lərinin Həmrəylik Günü kimi qeyd edilməsi təklif olunub.
“Report” xəbər verir ki, bunu “Ortaq Dəyərlər” İctimai Birliyinin sədri Aqil Camal Türk Dövlətləri Təşkilatına üzv ölkələrinin QHT-lərinin Həmrəylik Forumunda keçirilən “Azərbaycan-Qazaxıstan QHT-lərinin əmakdaşlıq Forumu” adlı paneldə deyib.
O bildirib ki, Azərbaycan Türk dünyasının inkişafı üçün böyük işlər görüb.
Sədr Azərbaycan və Qazaxıstan arasında əməkdaşlıqlara diqqət çəkib:
“Bu gün müxtəlif ixtisaslı sahələr üzrə ölkələr işlər görə bilər.
Bu gün Xəzər dənizi ilə bağlı problemlər var. Düşünürəm ki, hər iki ölkənin QHT -ləri Xəzərin dayazlaşması probleminə qarşı birgə fəaliyyət göstərə bilər”.
Qeyd edək ki, bu gün Bakıda ilk dəfə olaraq Türk Dövlətləri Təşkilatına üzv ölkələrin qeyri-hökumət təşkilatlarının Həmrəylik Forumu baş tutub. Forumda Azərbaycan, Türkiyə, Özbəkistan, Qazaxıstan, Qırğızıstan, Türkmənistan, Macarıstan və Şimali Kipr Türk Respublikasından 500 nəfərdən çox vətəndaş cəmiyyəti təmsilçisi iştirak edir.
Ən son xəbərləri bizim “Instagram” səhifəmizdə izləyin
