Türkiyənin Milliyyətçi Hərəkat Partiyasının (MHP) Milli Həmrəylik, Qardaşlıq və Demokratiya Komissiyası həbsdə olan PKK terror təşkilatının başçısı Abdullah Öcalanla İmralıda görüşə nümayəndə göndərmək qərarına gəlib.
APA-nın Türkiyə bürosunun məlumatına görə, partiyanın qərarına əsasən, İmralıya MHP sədrinin müavini Fəti Yıldız gedəcək.
Yıldız açıqlamasında MHP-nin nümayəndəsi qismində özünün iştirak edəcəyini bildirib. O, həmçinin CHP-ni də bu qərara dəstək verməyə çağırıb.
Cümhuriyyət Xalq Partiyasından isə Abdullah Öcalanla İmralıda görüşə nümayəndə göndərilməyəcəyi bildirilib. Bu barədə qərar CHP-nin keçirdiyi iclasda qəbul edilib.
