BMT-nin Məskunlaşma Proqramının (UN-HABITAT) insan mərkəzli “ağıllı şəhərlər” üzrə qaydalar sənədi Bakıda təqdim olunacaq.
“Report”un məlumatına görə, bunu Dövlət Şəhərsalma və Arxitektura Komitəsinin sədri və WUF13-ün milli koordinatoru Anar Quliyev jurnalistlərə açıqlmasında deyib.
Onun sözlərinə görə, Azərbaycan uzun müddətdir şəhərsalma sahəsində ciddi islahatlar aparır:
“Eyni zamanda beynəlxalq gündəliyə töhfəsini verməyə çalışır. Bir sıra beynəlxalq proseslərdə iştirak etməyə çalışırıq. BMT-nin Məskunlaşma Proqramının (UN-HABITAT) insan mərkəzli “ağıllı şəhərlər” üzrə qaydalar təşəbbüsü olub. Azərbaycan bu sənəd üzərində işləyən ekspert qrupuna 2 mütəxəssis ayırıb. Sənədin hazırlanması başa çatıb. Təqdimatı və müzakirəsi Bakıda olacaq”.
A.Quliyev vurğulayıb ki, UN-HABITAT-ın nəznində fəaliyyət göstərən hökumətlərarası qrupun hər kəs üçün mənzil təminatı sahəsində yol xəritəsi hazırlamaq üzrə qrupun həmsədri seçilib:
“Azərbaycan bu proses üzrə də töhfəsini verməyə çalışacaq. Azərbaycan, həmçinin işğaldan azad olunan ərazilərdə həyata keçirdiyi sistemli planlaşdırma və şəhərlərin yenidənqurma və bərpası ilə bağlı təcrübələrini bölüşəcək”.
Ən son xəbərləri bizim “WhatsApp” kanalımızda izləyin
