Polşa XİN başçısı: Ukrayna 2030-cu illərin əvvəlində Aİ üzvləri sırasına daxil olacaq

Ukrayna 2030-cu illərin əvvəlində Avropa İttifaqının (Aİ) üzvləri sırasına daxil olacaq.

“Report” Polşa KİV-ə istinadən xəbər verir ki, bunu ölkənin Baş nazirinin müavini, xarici işlər naziri Radoslav Sikorski deyib.

Onun sözlərinə görə, Macarıstanın bu məsələdə irəliləyişi əngəlləməsinə baxmayaraq, “Ukrayna artıq namizəd statusuna malikdir”.

R.Sikorski qeyd edib ki, Rusiya lideri Vladimir Putin Qərbin dəstəkləyəcəyi Ukrayna ilə müharibəyə daha üç il davam gətirməyəcək:

“Buna dondurulmuş Rusiya aktivlərindən əldə edilən vəsaitlər də kömək edəcək”.