Azərbaycan “AI-92” markalı benzini hansı ölkələrdən neçəyə alır və satır? – SİYAHI

Bakı. Trend:

Bu ilin yanvar-sentyabr aylarında Azərbaycandan 3 ölkəyə
(Əfqanıstan, Gürcüstan və Türkiyə) dəyəri 4,085 milyon ABŞ dolları
olan 6,4 min ton mühərrik benzinləri, tərkibində qurğuşunun miqdarı
0,013 q/l-dən çox olmayan, 95-dən az olan oktan ədədi ilə (“Aİ-92”)
benzin ixrac edilib.

Bu barədə Trend Dövlət Statistika Komitəsindən məlumat əldə
edib.

Qeyd edilib ki, ötən ilin eyni dövründə Azərbaycandan xarici
ölkələrə “Aİ-92” markalı benzin ixracı qeydə alınmayıb.

Dövr ərzində Azərbaycandan Əfqanıstana 1,631 milyon ABŞ dolları
dəyərində 2,298 min ton, Gürcüstana 804 min ABŞ dolları dəyərində
1,093 min ton, Türkiyəyə isə 1,650 milyon ABŞ dolları dəyərində
3,065 min ton “AI-92″ markalı benzin ixrac edilib.

2025-ci ilin ilk doqquz ayında Azərbaycanın “Aİ-92” markalı
benzin satdığı ölkələr:

Eyni zamanda bu ilin yanvar-sentyabr aylarında Azərbaycana 3
ölkədən dəyəri 64,396 milyon ABŞ dolları olan 83 min ton mühərrik
benzinləri, tərkibində qurğuşunun miqdarı 0,013 q/l-dən çox
olmayan, 95-dən az olan oktan ədədi ilə (Aİ-92) benzin idxal
edilib.

Məlumata görə, bu göstərici ötən ilin eyni dövrü ilə müqayisədə
həcm ifadəsində 4,8 min ton və ya 5,4%, dəyər baxımından isə 13,3
milyon ABŞ dolları və ya 17,1% azdır.

2025-ci ilin ilk doqquz ayında Azərbaycanın “Aİ-92” markalı
benzin idxal etdiyi ölkələr:

Bu ilin yanvar-sentyabr aylarında Azərbaycanda 1,081 milyon ton
avtomobil benzini istehsal edilib. Bu göstərici 2024-cü ilin eyni
dövrü ilə müqayisədə 10,8 min ton və ya 1% çoxdur. Ötən ilin ilk 9
ayında ölkədə 1,070 milyon ton avtomobil benzini istehsal
olunmuşdu.

Bu ilin oktyabrın 1-i vəziyyətinə ölkədə hazır məhsul ehtiyatı
62,2 min ton təşkil edib.

Ümumilikdə hesabat dövründə Azərbaycanda neft məhsullarının
istehsalı sahəsində istehsalın ümumi dəyəri 4,047 milyard manat
olmaqla, əvvəlki ilin müvafiq dövrü ilə müqayisədə 0,4% artıb.