Bakı. Trend:
Cənubi Koreyanın “K2 Black Panther” tanklarının son partiyası
əvvəllər bağlanmış müqavilə çərçivəsində Polşaya çatdırılıb.
Trend-in məlumatına görə, bu barədə Polşa müdafiə naziri
Vladislav Kosinyak-Kamış sosial şəbəkələrdə yazıb.
“16-cı “Burştınovoy” Mexanikləşdirilmiş Diviziyası üçün daha 20
ədəd “K2 Black Panther” tankı Polşaya çatdırılıb, bu da o deməkdir
ki, artıq tamamlanmış ilk müqavilə çərçivəsində 180 tankdan ibarət
tam təchizatımız var”, – deyə o bildirib.
“Gələn il bu ilin avqust ayında imzalanan yeni müqavilə
çərçivəsində növbəti tranşın həyata keçirilməsinə başlayacağıq.
Buraya Polşada artıq istehsal olunmuş tanklar da daxil olacaq”, –
deyə nazir əlavə edib.
Qeyd edək ki, tanklar “Hyundai Rotem” ilə bağlanmış çərçivə
müqaviləsi çərçivəsində Polşaya çatdırılır. Bu müqaviləyə əsasən,
müxtəlif müqavilələr çərçivəsində Polonlaşdırılmış versiyalı “K2PL”
də daxil olmaqla, ümumilikdə 1000 ədəd “K2” tankının və əlaqəli
nəqliyyat vasitələrinin çatdırılması nəzərdə tutulur.
