Zaqatala sakinini döyüb öldürməkdə şübhəli bilinən şəxslərdən daha biri saxlanılıb

Zaqatala rayon sakini İsgəndər Musayevi döyərək onun ölümünə səbəb olmaqda şübhəli bilinən şəxslərdən biri də saxlanılıb.

“Report”un Şimal-qərb bürosunun məlumatına görə, polis əməkdaşlarının keçirdiyi tədbirlərlə 1991-ci il təvəllüdlü Hafiz Hacıyev saxlanılaraq istintaqa təhvil verilib.

Qeyd edək ki, İ.Musayev oktyabrın 22-də iki şəxs tərəfindən ölümcül döyülüb və oktyabrın 27-də müalicə aldığı xəstəxanada həyatını itirib. Bir müddət öncə əməli törətməkdə şübhəli bilinən şəxslərdən biri – Rasim Abbasov polis əməkdaşları tərəfindən saxlanılmışdı.