Bakı. Trend:
Pirallahıda yerləşən Nərəkənd parkında Gənclər və İdman
Nazirliyi və Azərbaycan Triatlon Federasiyasının təşkilatçılğı ilə
triatlon üzrə ölkə çempionatı keçirilib.
Azərbaycan Triatlon Federasiyasından Trend-ə verilən məlumata
görə, yarışda müxtəlif yaş qruplarından olan 100-dən çox peşəkar və
yeniyetmə idmançı mübarizə aparıb.
Yarışda uşaqlar super sprint məsafəsində (375 metr üzgüçülük, 8
kilometr velosiped və 2 kilometr qaçış) güclərini sınayıblar.
Böyüklər isə sprint məsafəsində (750 metr üzgüçülük, 20 kilometr
velosiped və 5 kilometr qaçış) çıxış ediblər.
Kişilər arasında Əli Rzazadə qalib olub. Tamerlan Musayev gümüş,
Tural Atakişiyev bürünc mükafata sahib çıxıblar.
Qadınların mübarizəsində isə Leyla Abduləzizova 1-ci, Klara
Maresçova 2-ci yeri tutub.
Qaliblərə medallar və pul mükafatı verilib.
