Bakı. Trend:
Prezident Administrasiyasının Qeyri-hökumət təşkilatları ilə iş
və kommunikasiya şöbəsinin QHT-lərlə iş sektorunun müdiri Tural
Əliyev Qaçqınların və Məcburi Köçkünlərin İşləri üzrə Dövlət
Komitəsi yanında İctimai Şuranın üzvləri ilə görüşüb.
Bu barədə Trend-ə Qaçqınların və Məcburi Köçkünlərin İşləri üzrə
Dövlət Komitəsindən məlumat verilib.
Dövlət Komitəsinin sədr müavini Fuad Hüseynov bu Şuraya dördüncü
dəfə seçki keçirildiyini, onun artıq yeni tərkibdə işə başladığını
bildirib.
Görüşdə İctimai Şura üzvləri fikir və təkliflərini bildirib,
müvafiq qeydlər götürülüb, suallar cavablandırılıb.
