Gürcüstanda keçirilən bələdiyyə seçkilərində səsvermə başa çatıb.
Modern.az xəbər verir ki, yerli vaxtla saat 20:00-da seçki məntəqələri bağlanıb.
Gürcüstan Mərkəzi Seçki Komissiyasının saat 17:00-a olan son məlumatına əsasən, seçici fəallığı 33,5% təşkil edib.
Seçkilərin ilkin nəticələrinin iki saat ərzində açıqlanacağı gözlənilir.
****
10:00
Gürcüstanda yerli özünü idarəetmə orqanlarına seçki keçirilir.
Modern.az Gürcüstan mətbuatına istinadən xəbər verir ki, səsvermə prosesi axşam saat 20:00-da başa çatacaq.
Vətəndaşlar 64 dairədə bələdiyyə məclislərinin üzvlərini, həmçinin 64 şəhərin merini seçəcəklər.
Paytaxt Tbilisinin meri vəzifəsi uğrunda doqquz namizəd yarışır. Onların arasında hakim Gürcü Arzusu Partiyasından olan hazırkı mer Kaxa Kaladze də var.
Ümumilikdə 3.5 milyondan çox seçici səsvermə hüququna malikdir.
